Іна Афанасьева — міліцыі: У мяне няма словаў. Не біце і не забівайце людзей!
Пра гэта спявачка напісала ў сваім фэйсбуку.
«Я люблю сваю краіну прыгожую, моцную, незалежную, і яна такая дзякуючы нашым простым людзям, рабацягам і служачым, медыкам і педагогам, навукоўцам і ITшнікам, артыстам і спартсменам і дзякуючы вядома ж нашым вайскоўцам, афіцэрам і простым салдатам!
Дарагія нашы афіцэры, людзі ў пагонах ДАІ, міліцыя, спецназ, АМАП… Я не ведаю, якія падабраць словы, ад жаху апошніх падзей! Гэта велізарны боль на сэрцы кожнага з нас!
Калі ласка, не біце і не забівайце людзей! Тыя крыкі і стогны з Акрэсціна — яны ж застануцца ў душы ў кожнага беларуса!
У маёй душы гэта дакладна! Застануцца і тыя людзі, якія беглі аплачваць штрафы за кіроўцаў на вуліцах. Людзі, якія прывозяць ежу ў Акрэсціна!
Застануцца нашы прыгожыя жанчыны з кветкамі ўздоўж дарог! Людзі, якія збіраюць грошы пацярпелым і ўжо скалечаным сем'ям. Застануцца і тыя, хто склаў свае шчыты і не падпарадкаваўся загадам. Нашы медыкі! Божа, дзякуй Вам, за тое, што ратуеце жыцці дзяцей!
Дарагія нашы хлопцы, прашу вас, не забівайце, бо з кожным ударам вы спараджаеце яшчэ большае зло. Вы забіваеце сябе і сваю Душу! Я жадаю кожнаму з нас выжыць у гэты няпросты час і застацца ЛЮДЗЬМІ! Калі ласка, беражыце сябе, сваіх родных і блізкіх!»
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары