Ina Afanaśjeva — milicyi: U mianie niama słovaŭ. Nie bicie i nie zabivajcie ludziej!
Pra heta śpiavačka napisała ŭ svaim fejsbuku.
«Ja lublu svaju krainu pryhožuju, mocnuju, niezaležnuju, i jana takaja dziakujučy našym prostym ludziam, rabaciaham i słužačym, miedykam i piedahoham, navukoŭcam i ITšnikam, artystam i spartsmienam i dziakujučy viadoma ž našym vajskoŭcam, aficeram i prostym sałdatam!
Darahija našy aficery, ludzi ŭ pahonach DAI, milicyja, śpiecnaz, AMAP… Ja nie viedaju, jakija padabrać słovy, ad žachu apošnich padziej! Heta vielizarny bol na sercy kožnaha z nas!
Kali łaska, nie bicie i nie zabivajcie ludziej! Tyja kryki i stohny z Akreścina — jany ž zastanucca ŭ dušy ŭ kožnaha biełarusa!
U majoj dušy heta dakładna! Zastanucca i tyja ludzi, jakija biehli apłačvać štrafy za kiroŭcaŭ na vulicach. Ludzi, jakija pryvoziać ježu ŭ Akreścina!
Zastanucca našy pryhožyja žančyny z kvietkami ŭzdoŭž daroh! Ludzi, jakija źbirajuć hrošy paciarpiełym i ŭžo skalečanym siemjam. Zastanucca i tyja, chto skłaŭ svaje ščyty i nie padparadkavaŭsia zahadam. Našy miedyki! Boža, dziakuj Vam, za toje, što ratujecie žyćci dziaciej!
Darahija našy chłopcy, prašu vas, nie zabivajcie, bo z kožnym udaram vy sparadžajecie jašče bolšaje zło. Vy zabivajecie siabie i svaju Dušu! Ja žadaju kožnamu z nas vyžyć u hety niaprosty čas i zastacca LUDŹMI! Kali łaska, bieražycie siabie, svaich rodnych i blizkich!»
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary