Лукашэнка — рабочым: Выйшлі на плошчу, але пасля гэтага на заводах ім месца быць не павінна
Пра гэта ён заявіў на нарадзе, што сёння прайшла ў Мінабароны, піша БелТА
«Яшчэ раз паўтараю: нікога не ўгаворвайце. Усе разумеюць, што адбываецца. Калі рабочы чалавек, які ў прынцыпе па-за палітыкай, рвецца кудысьці на плошчу нешта дэманстраваць, ён не рабочы. Пойдуць — хай ідуць. Слухайце, у нас залішняя колькасць на МТЗ, МАЗе, БелАЗе - усюды. Няхай ідуць. Але на заводах ім пасля гэтага месца быць не павінна», — сказаў Аляксандр Лукашэнка.
Ён падкрэсліў, што нельга палітызаваць працоўныя калектывы. «Мы павінны рабіць усё, каб людзі атрымлівалі там працу і лату, каб ўтрымлівалі сям'і», — адзначыў кіраўнік дзяржавы.
«Што гэта за падыходы такія? Прэзідэнт, урад, усе мы карачымся, каб у гэты найцяжкі час хоць нейкую нармальную хоць трохі зарплату мелі. Працуюць прадпрыемствы, аказваем каласальную дапамогу гэтым прадпрыемствам. І што? Нож у спіну?» — дадаў ён
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме26
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары