Пасол Украіны накіраваў ноту ў МЗС Беларусі за інцыдэнт з аглядам яго машыны
Пасол Украіны Ігар Кізім накіраваў ноту ў Міністэрства замежных спраў Беларусі ў сувязі з парушэньнем Венскай канвэнцыі, паведамілі «Радыё Свабода» ў пасольстве Ўкраіны ў Менску.
Падставай стала праверка на беларускай мяжы аўтамабіля пасла Ігара Кізіма, які вяртаўся з Кіева пасьля кансультацый у Міністэрстве замежных спраў Украіны ў Менск.
На мяжы пасол папярэдзіў беларускіх памежнікаў, што іх патрабаваньні не адпавядаюць Венскай канвэнцыі аб дыпляматычных стасунках, і заявіў, што напіша ноту ў МЗС Беларусі ў выпадку яе парушэньня, што не спыніла памежнікаў.
Венская канвэнцыя прадугледжвае недатыкальнасьць маёмасьці і транспарту дыпляматаў.
11 верасьня Памежны камітэт Беларусі апублікаваў відэа праверкі аўтамабіля амбасадара, адмаўляючы парушэньне канвэнцыі.
Каментары