Зміцер Хведарук: Людзі, якіх выкарысталі ў якасці ілюстрацыі ў сюжэце СТБ пра Акрэсціна, — дэпартанты
Зміцер Хведарук у сваім фэйсбуку пракаментаваў сюжэт Грыгорыя Азаронка на СТБ пра ўмовы ўтрымання ў Цэнтры ізаляцыі правапарушальнікаў на Акрэсціна.
Напэўна вы ўжо пабачылі, ці хаця б прачыталі пра тое, як сын прапагандыста Азаронка — таксама Азаронак, зняў шэдэўральны ліпавы сюжэт пра «ўмовы ўтрыманьня ў ЦІП на Акрэсьціна»?
Людзі, якіх выкарысталі ў якасьці ілюстрацыі ў гэтым сюжэце, — дэпартанты! Відэа зьнята ў камеры №42, у якой і я сядзеў з 9-га па 13-га жніўня. Усіх людзей на відэа я ведаю асабіста. Яны ніякага дачыненьня да пратэстаў не маюць. У іх у камеры сапраўды ўтрымлівалі ўсяго (пакуль дэманстрантаў не закінулі) 6 чалавек на 7 пасадачных месцаў.
Хлапец у масцы і байцы «М1 Раша», які кажа, што «не так даўно сядзіць», насамрэч грамадзянін РФ, якога наш ОГіМ прысудзіў да дэпартацыі знаходзіцца ў ІЧУ ўжо больш за 8 месяцаў!!! Апроч таго, яны ў камеры маюць гадзіньнік, шахматы, нарды і радыёпрымач. Астатнія арыштанты такіх прывілеяў не маюць!
Апроч таго, гэтыя дэпартанты сядзяць не ў ЦІП, а ў ІЧУ!
Кітаец у кадры, з рэдкім прозвішчам Ху, сядзіць і чакае высылку ў КНР ужо больш за тры месяцы, размаўляе толькі па-кітайску і трошкі па-ангельску і ўвогуле казаў нам (зараз увага!!!!), што яго праз кампутар сінхранізаваў Абама, каб кітаец забіў свайго тату, які ў сваю чаргу пасадзіў у турму намесьніка кітайскага прэм'ера, які ў сваю чаргу натравіў кітайскую мафію на сям'ю беднага дэпартанта.
Пра ўмовы ўтрыманьня, санітарныя нормы, наяўнасьць паветра і жудасны водар ад ложкаў, матрацаў, падушак і прыбіральні я ўвогуле пісаць не буду, бо і так усё зразумела. Але з дэпартантамі, канешне, зусім правал, дарагія прапагадысты!!!»
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары