Źmicier Chviedaruk: Ludzi, jakich vykarystali ŭ jakaści ilustracyi ŭ siužecie STB pra Akreścina, — departanty
Źmicier Chviedaruk u svaim fejsbuku prakamientavaŭ siužet Hryhoryja Azaronka na STB pra ŭmovy ŭtrymańnia ŭ Centry izalacyi pravaparušalnikaŭ na Akreścina.
Napeŭna vy ŭžo pabačyli, ci chacia b pračytali pra toje, jak syn prapahandysta Azaronka — taksama Azaronak, źniaŭ šedeŭralny lipavy siužet pra «ŭmovy ŭtrymańnia ŭ CIP na Akreścina»?
Ludzi, jakich vykarystali ŭ jakaści ilustracyi ŭ hetym siužecie, — departanty! Videa źniata ŭ kamiery №42, u jakoj i ja siadzieŭ z 9-ha pa 13-ha žniŭnia. Usich ludziej na videa ja viedaju asabista. Jany nijakaha dačynieńnia da pratestaŭ nie majuć. U ich u kamiery sapraŭdy ŭtrymlivali ŭsiaho (pakul demanstrantaŭ nie zakinuli) 6 čałaviek na 7 pasadačnych miescaŭ.
Chłapiec u mascy i bajcy «M1 Raša», jaki kaža, što «nie tak daŭno siadzić», nasamreč hramadzianin RF, jakoha naš OHiM prysudziŭ da departacyi znachodzicca ŭ IČU ŭžo bolš za 8 miesiacaŭ!!! Aproč taho, jany ŭ kamiery majuć hadzińnik, šachmaty, nardy i radyjoprymač. Astatnija aryštanty takich pryvilejaŭ nie majuć!
Aproč taho, hetyja departanty siadziać nie ŭ CIP, a ŭ IČU!
Kitajec u kadry, z redkim proźviščam Chu, siadzić i čakaje vysyłku ŭ KNR užo bolš za try miesiacy, razmaŭlaje tolki pa-kitajsku i troški pa-anhielsku i ŭvohule kazaŭ nam (zaraz uvaha!!!!), što jaho praz kamputar sinchranizavaŭ Abama, kab kitajec zabiŭ svajho tatu, jaki ŭ svaju čarhu pasadziŭ u turmu namieśnika kitajskaha premjera, jaki ŭ svaju čarhu natraviŭ kitajskuju mafiju na siamju biednaha departanta.
Pra ŭmovy ŭtrymańnia, sanitarnyja normy, najaŭnaść pavietra i žudasny vodar ad łožkaŭ, matracaŭ, padušak i prybiralni ja ŭvohule pisać nie budu, bo i tak usio zrazumieła. Ale z departantami, kaniešnie, zusim pravał, darahija prapahadysty!!!»
Kamientary