Чаму хлопец раздзеты? МУС апублікавала відэа допыту 19-гадовага жыхара Узды
МУС апублікавала відэа допыту 19-гадовага жыхара Узды, які зняў чырвона-зялёны сцяг на мінскім аўтавакзале. Яго ўчынак трапіў на відэакамеру, яго затрымалі.
Чытайце таксама: Мужчына забраў заплечнік хлопца, які зняў чырвона-зялёны сцяг з аўтавакзала. Пачалася бойка ВІДЭА
Звяртае на сябе ўвагу тое, што на допыце ці апытанні — на відэа не канкрэтызуецца, што адбываецца — хлопец раздзеты і ў наручніках. «Наша Ніва» скіравала пытанне прэс-службе МУС, чаму падазраваны на відэа раздзеты. Мы пакуль не атрымалі адказу.
Раней былі сведчанні ад іншых «палітычных» зняволеных пра тое, што іх раздзявалі ў месцах утрымання. Так, «дыджэй перамен» Сакалоўскі сцвярджаў, што яго на Акрэсціна нейкі час трымалі ў камеры ў адных майтках, забралі вопратку. А Павел Севярынец перадаў сваёй жонцы, што яго пэўны час трымалі без абутку, што прывяло, па яе словах, да захворвання суставаў.
19-гадовы затрыманы патлумачыў свой учынак рэакцыяй на зняццё нацыянальных сцягоў.
Раней беларускія праваабаронцы заявілі, што зафіксавалі больш за 500 выпадкаў, якія падпадаюць пад паняцце «катаванні». Адпаведныя матэрыялы яны перадалі ў міжнародныя структуры.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай38
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары