БПС-Сбербанк запусціў «SberDaily» — сямейства падпісак, якое аб'ядноўвае як банкаўскія, так і нябанкаўскія тавары і паслугі. Сярод іх - кругласутачная медыцынская падтрымка, кансультацыя ветэрынара, аўтадапамога і страхоўка на выпадак захворвання каранавіруснай інфекцыяй.
Фармат сямейства падпісак «SberDaily» арыентаваны на індывідуальныя патрэбы: ён дазваляе сабраць персаналізаваны набор сэрвісаў, забіраючы іх з віртуальных паліц, фактычна як тавары ў супермаркеце. Падпіску можна аформіць на месяц ці адразу на год.
Платформай сістэмы выступае віртуальная карта MasterСard Standart Virtual ў беларускіх рублях. Афармленне адбываецца ў інтэрнэце, наведваць аддзяленне ня трэба. Менавіта выпуск карты адкрывае доступ да сэрвісаў на ўсе выпадкі жыцця. Падключыць падпіску можна на сайце экасістэмы.
Па падпісцы можна карыстацца кругласутачнай медыцынскай падтрымкай, аўтадапамогай на дарозе і кансультацыяй ветэрынара. У набор таксама можна дадаць персанальнага памочніка i-Concierge і страхаванне ад няшчасных выпадкаў і захворванняў (уключаючы COVID-19) з агульнай страхавой сумай ад 2000 да 6000 рублёў.
Прадугледжаныя і банкаўскія бонусы, у тым ліку бясплатнае SMS-апавяшчэнне. Па самой карце даступныя спецыяльныя прапановы і прывілеі аплатнай сістэмы MasterСard. Плануецца, што ў далейшым пералік сэрвісаў будзе пашырацца.
Кошт падпіскі «SberDaily» залежыць ад набору сэрвісаў і чаканай частаты зваротаў. У сярэднім яна абыдзецца ад 10 рублёў, а з аўтадапамогай — ад 20, што значна больш выгадна за афармленне і аплату наўпрост.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала13
Каментары