У МУС пракаментавалі выстаўленыя ў АРІП сумы за «ўтрыманне ў ізалятары»
Напярэдадні многія беларусы выявілі, што ў АРІП пры аплаце паслуг МУС у іх сістэма ўжо выдае пэўную суму. Адкуль яна з'явілася і ці трэба за нешта плаціць, распавялі ў МУС.
У ведамстве распавялі, што аплачваць пэўныя паслугі МУС, у тым ліку ўтрыманне і харчаванне ў спецыялізаваных ізалятарах і цэнтрах ізаляцыі правапарушальнікаў тэрытарыяльных АУС, можна праз АРІП.
Пры выбары гэтых паслуг сапраўды можа з'явіцца сума да аплаты, аднак гэта толькі ўстаноўленая мінімальная сума ў памеры 0,5 базавай велічыні за суткі ўтрымання ў ІЧУ (ЦІП) і 2,5 базавай велічыні за ўтрыманне ў спецыялізаваным ізалятары, гэта значыць, аплачваць нічога не трэба, калі ў вас першапачаткова не было такой задачы.
Было прынята рашэнне аб самастойным уводзе карыстальнікам сумы плацяжу ў сістэме АРІП. Гэта значыць карыстальнік сам будзе ўводзіць патрэбную суму пры ўнясенні аплаты за паслугу «ўтрыманне ў спецыялізаваным ізалятары». Парадак аплаты паслугі «харчаванне ў ІЧУ (ЦІП)» застаўся ранейшым.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня3
Каментары