Падлік галасоў у ЗША можа зацягнуцца ажно да пятніцы. Байдэн пакуль лідзіруе, але ў Трампа ёсць «чароўныя штаты»
Абодва кандыдаты на пасаду прэзідэнта ЗША Дональд Трамп і Джо Байдэн абвясцілі пра сваю перамогу, аднак падлік у некалькіх ключавых штатах зацягнуўся. Каб перамагчы, трэба набраць 270 галасоў у Калегіі выбаршчыкаў.
Прычым СМІ пакуль даюць розныя прагнозы па галасах выбаршчыкаў. CNN дае Байдэну — 224 галасы, Трампу — 213. FoxNews: Байдэн — 238, Трамп — 213. NY Times — 227 і 213.
Калі расклад па колькасці галасоў не моцна зменіцца ў штатах, дзе не да канца падлічаныя галасы, то Дональд Трамп перамагае на выбарах.
Ён выйграе 3 галасы ад Аляскі, 20 — ад Пенсільваніі, 16 — ад Мічыгана, 15 — ад Паўночнай Караліны, 16 ад Джорджыі. Праўда, у двух апошніх штатах розніца складае дзясятыя працэнта, і можа схіліцца ў любы бок.
Байдэн папярэдне лідзіруе ў трох штатах, дзе зыход галасавання яшчэ не зразумелы — Арызоне (11 галасоў), Невадзе (6 выбаршчыкаў) і Вісконсіне (10 галасоў).
Па агульнай колькасці галасоў, аддадзеных за кожнага з кандыдатаў, таксама лідзіруе Байдэн. Ён заручыўся падтрымкай 68,1 млн выбаршчыкаў (50%), Трамп — 66,05 млн (48,4%).
Аднак некаторыя штаты заявілі, што канчатковыя вынікі будуць у чацвер і пятніцу. Таксама паведамляецца, што не ўлічаныя галасы, аддадзеныя па пошце, а там прагаласавалі 97 млн.
Бліжэйшым часам будуць вызвалены больш за 150 палітзняволеных39
Каментары