Мужчына размясціў у тэлеграм-канале фота і асабістыя даныя начальніка Чачэрскага РАУС. Суд пакараў яго штрафам
1 верасня ў адным з тэлеграм-каналаў з'явілася фота начальніка Чачэрскага РАУС, якое суправаджалася зняважлівым подпісам. Праз некаторы час сітуацыя паўтарылася — зараз побач з фота былі апублікаваныя асабістыя даныя, нумар тэлефона і тэкст пра нібыта неправамерныя дзеянні сілавіка пры выкананні ім службовых абавязкаў. Начальнік Чачэрскага РАУС звярнуўся ў суд, паведамляе Вярхоўны суд.
Начальніку РАУС пачалі тэлефанаваць невядомыя людзі, абражаць яго і яго калег і вінаваціць ва ўдзеле ў злачынстве. Ён упэўнены, што публікацыя падрывае яго аўтарытэт, дзелавую рэпутацыю, ганіць гонар і годнасць.
У якасці кампенсацыі маральнай шкоды адказчыку прыйдзецца аплаціць 500 рублёў, а таксама пакрыць судовыя выдаткі — 162 рублі. Агульная сума — 662 рублі.
Каментары