У Мінску мужчына напаў на таксіста, а потым ударыў нажом міліцыянера
Інцыдэнт адбыўся 26 лістапада, каля чацвёртай гадзіне ночы.
У міліцыю патэлефанаваў таксіст і паведаміў, што каля дома №8 на Малініна незнаёмы, пагражаючы нажом, забраў у яго мабільны тэлефон і пачак цыгарэт, паведамляе прэс-служба МУС.
Да месца выехала група затрымання Дэпартамента аховы, а пацярпелы паехаў за крыўдзіцелем. Міліцыянты і пацярпелы сустрэліся на вуліцы Крупскай каля кругласутачнай крамы, куды зайшоў зламыснік.
На выхадзе мужчыну спынілі. У адказ ён ударыў міліцыянера нажом і паспрабаваў збегчы. На неаднаразовыя патрабаванні кінуць нож нападнік не рэагаваў і пагражаў расправай. У выніку пасля неаднаразовых папярэджанняў міліцыянт стрэліў з аўтамата ў паветра, а затым і ў нагу нападніка.
Напярэдадні падазраваны пашкодзіў аўтамабіль у Ленінскім раёне, за што распачалі крымінальную справу за хуліганства. У 2018 годзе ён быў асуджаны за прычыненне нажавога ранення работніку ДАІ.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары