Жыхара Гродна, які распыліў газ на «чалавека ў цывільным», асудзілі на 4 гады ў калоніі-пасяленні
Суд Кастрычніцкага раёна Гродна вынес вырак Мікіце Самарыну, які адбіваў чалавека пры затрыманні і распыліў газ у невядомага ў цывільным адзенні. Ён пакараны абмежаваннем волі з накіраваньнем у калонію-пасяленне. Таксама ён мае аплаціць 500 рублёў кампенсацыі маральнай шкоды міліцыянту, піша Радыё Свабода.
Мікіту вызвалілі ў зале суда. Два месяцы ён знаходзіўся пад вартай.
29-гадовага Самарына прызналі вінаватым у гвалце ў дачыненьні да міліцыянта Сяргея Біліды, якія затрымліваў чалавека.
Ён сваю віну не прызнаў. З ягоных словаў, ён не ведаў, што перад ім міліцыянт, наўмысна не хацеў яму нашкодзіць.
Інцыдэнт адбыўся 25 жніўня. Па дарозе з працы ў цэнтр горада затрымалі некалькі дзясяткаў работнікаў «Гродна Азот». Пад ізалятар прыйшлі каля паўтысячы гарадзенцаў, каб іх падтрымаць. Людзі мірна стаялі і чакалі вызвалення работнікаў. Калі ўсіх выпусьцілі і натоўп разышоўся, у дварах «людзі ў цывільным» пачалі хапаць гарадзенцаў. Падчас аднаго з гэтых затрыманняў нехта пусціў газ.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары