11 снежня ў судзе Кастрычніцкага раёну Гародні абвешчаны прысуд па крымінальнай справе Мікіты Самарына. Яго вінавацілі у парушэнні 364 артыкула Крымінальнага кодэксу (Гвалт альбо пагроза прымянення гвалту ў дачыненні да супрацоўніка органаў унутраных спраў), паведамляюць праваабаронцы.
Справу разглядаў суддзя Руслан Хіхол. Пацярпелы — супрацоўнік міліцыі Сяргей Біліда.
25 жніўня падчас пікету паблізу Кастрычніцкага РАУС малады чалавек паспрабаваў заступіцца за супрацоўніка ААТ «Азот», калі таго спрабавалі затрымаць невядомыя ў цывільным. У аднаго з іх, па версіі следства, Мікіта распыліў газ.
Суддзя Хіхол абвясціў прысуд — чатыры гады абмежавання волі без накіравання ва ўстановы адкрытага тыпу (хатняя хімія). Апроч таго, Самарын павінен выплаціць пацярпеламу 500 рублёў грашовай кампенсацыі.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары