Украінская паліцыя гатовая ехаць да Макара, які апублікаваў скандальны запіс пра Шарамета
Паліцыя Украіны паведаміла, што гатовая да правядзення следчых дзеянняў з былым супрацоўнікам беларускага спецназа Ігарам Макарам, які распаўсюдзіў аўдыязапіс, дзе, як сцвярджаецца, нібыта беларускія сілавікі абмяркоўваюць магчымасць забойства журналіста Паўла Шарамета.
Адзначаецца, што аўдыязапіс, які атрымала паліцыя, накіравалі на фанаскапічную экспертызу.
Для атрымання дадатковай інфармацыі аб верагодных заказчыках забойства Шарамета праваахоўнікі плануюць правесці следчыя дзеянні з распарадчыкам гуказапісу.
Паколькі распарадчык знаходзіцца на тэрыторыі ЕС, трэба выконваць працэдуры міжнароднай прававой дапамогі.
Работнікі ўкраінскай паліцыі і офіса генпракурора ўжо сфармавалі групу і гатовыя ў найбліжэйшы час выехаць у краіну, дзе знаходзіцца ўладальнік запісу.
Таксама следчыя падрыхтавалі запрашэнне ва Украіну для Макара.
Паведамляецца, што ён атрымае працэсуальны статус сведкі. Яго забяспечаць аховай.
Украінскія праваахоўнікі яшчэ раз адзначылі, што інфармацыя пра «беларускі след» тычыцца выключна заказчыкаў, а не выканаўцаў забойства журналіста.
Бліжэйшым часам будуць вызвалены больш за 150 палітзняволеных39
Каментары