Ва Украіне з 8 да паўночы 25 студзеня будзе дзейнічаць узмоцнены рэжым каранціну. Ён прадугледжвае закрыццё ўсіх навучальных устаноў, акрамя дашкольных і спецыяльных.
Забароненая праца кафэ, бараў, рэстаранаў, акрамя на вынас і дастаўку.
Забаронены прыём наведвальнікаў у гандлёва-забаўляльных цэнтрах, акрамя куплі тавараў першай неабходнасці.
Забаронены прыём наведвальнікаў ва ўстановах забаўляльнай дзейнасці.
Зачыненымі будуць установы культуры (тэатры, кінатэатры, выставы), фітнес-залы, басейны. Салоны прыгажосці могуць працаваць выключна па папярэднім запісе і без чакання наведвальнікаў унутры.
Зачыняцца ўсе ўстановы размяшчэння, акрамя гасцініц і ўстаноў рэабілітацыі.
У Кіеве таксама папярэдзілі, што працу спыняць усе навагоднія лакацыі, у тым ліку і каткі, і кірмашы.
У цэлым нехарчовыя кірмашы і рынкі будуць забароненыя па ўсёй краіне.
Грамадскі транспарт працягне працу. Будуць працаваць гасцініцы, банкі, прадуктовыя крамы, аптэкі, паштовыя аператары, ветэрынарныя лячэбніцы, заакрамы.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме3
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары