Аляксандр Лукашэнка прыняў сёння з дакладам міністра абароны Віктара Хрэніна, піша БЕЛТА.
«Мы дамаўляліся нядаўна з вамі аб тым, што вы разам з Расійскай Федэрацыяй дапрацуеце задуму і дэталі будучага беларуска-расійскага вучэння «Захад-2021» [пройдуць 10-16 верасня]. Для мяне гэта сімвалічна, бо яшчэ маладым афіцэрам мне давялося браць удзел у адным з такіх вучэнняў савецкіх Узброеных сіл у Віцебскай вобласці па адпрацоўцы новых метадаў вядзення вайны», — адзначыў Лукашэнка.
Ён заявіў, што, азнаёміўшыся з задумай вучэнняў, ён убачыў, наколькі прасунуліся наперад узброеныя сілы. «Тым не менш я прасіў бы вас праінфармаваць, ці ўзгоднены з Расійскай Федэрацыяй нюансы правядзення гэтага вучэння, якая задума. Мы з прэзідэнтам Расіі даўно прынялі рашэнне, што будзем праводзіць гэта вучэнне», — сказаў Лукашэнка.
Каментары