Прэс-сакратар Генеральнай пракуратуры Латвіі Айга Эйдука паведаміла, што ў пракуратуру не паступала запыту беларускіх уладаў аб выдачы экс-прэтэндэнта на пасаду прэзідэнта Валерыя Цапкалы, паведамляе Delfi.
Крымінальна-працэсуальны закон прадугледжвае, што Латвія можа адмовіць у выдачы асобы, калі выдача запытваецца па палітычных матывах. Таксама экстрадыцыя недапушчальная, калі чалавек пераследуецца з-за яго нацыянальнасці ці палітычных перакананняў або маюцца абгрунтаваныя прычыны меркаваць, што правы чалавека па ўказаных прычынах могуць быць парушаныя.
Выдача асобы таксама не дапускаецца, калі выкананне запыту можа нанесці шкоду суверэнітэту, бяспецы, грамадскаму парадку або іншым важным інтарэсам Латвійскай дзяржавы, гаворыцца ў законе.
Каментары