Уладзімір Пуцін і Аляксандр Лукашэнка правядуць сустрэчу 22 лютага, чакаюцца працяглыя перамовы. Пра гэта заявіў журналістам у чацвер прэс-сакратар прэзідэнта РФ Дзмітрый Пяскоў, піша ТАСС.
«Сустрэча будзе на наступным тыдні, яна будзе 22 лютага. Два прэзідэнты сустрэнуцца, можна чакаць вельмі працяглыя перамовы», — сказаў прадстаўнік Крамля.
Паводле яго слоў, у парадку перамоваў, у прыватнасці, двухбаковыя адносіны і абмен думкамі па міжнароднай праблематыцы. «[Лукашэнку], напэўна, ёсць аб чым праінфармаваць расійскага прэзідэнта, напрыклад, пра Усебеларускі народны сход», — дадаў прадстаўнік Крамля.
Лукашэнка ў чацвер на сустрэчы з дзяржсакратаром Саюзнай дзяржавы паведаміў аб планах сустрэцца з Пуціным «у пачатку 20-х дзён лютага». Пры гэтым ён запэўніў, што не едзе ў Расію «чагосьці прасіць». Ён таксама заявіў аб дамоўленасці сустрэцца з намеснікам старшыні Рады бяспекі РФ Дзмітрыем Мядзведзевым.
Цяпер чытаюць
Хто тыя 17‑гадовы блогер і яго 37‑гадовая нявеста, якія шыкоўна жылі на грошы са збору на хворае дзіця?34
Каментары