Жыхар прыгарада Гомеля 45-гадовы Валянцін працаваў кіроўцам далёкіх перавозак у літоўскім філіяле дацкай кампаніі KAJ MADSEN. 2 сакавіка, знаходзячыся ў рэйсе, ён знік.
Па словах напарніка, у аўторак, 2 сакавіка, каля 11 гадзін Валянцін сышоў у невядомым кірунку з базы ў нямецкім горадзе Ландсберг. Сюды беларускія кіроўцы даставілі тавар з Даніі. Яго тэлефон застаўся ў машыне. Пра маючую адбыцца паездку ў Ландсберг гамяльчук паведамляў родным днём раней.
Фірма KAJ MADSEN аўтаматычна звольніла беларускага кіроўцу пасля пакідання ім машыны. Як паведамілі сваякі рэдакцыі, кампанія не хацела ісці на кантакт і прадастаўляць звесткі аб перамяшчэнні фуры паводле GPS. Таксама, па іх словах, напарнік не адразу паведаміў аб знікненні Валянціна.
Неўзабаве пасля таго, як была размешчана аб'ява аб вышуку, стала вядома — Валянцін знойдзены ў лесе мёртвым, ён вісеў у пятлі.
Расследаваннем прычын смерці беларускага кіроўцы займаецца нямецкая паліцыя. Звязацца з дацкай паліцыяй пакуль не ўдалося — з прычыны адсутнасці амбасады Беларусі ў Даніі. Сям'я загінулага падтрымлівае сувязь з консульствам Беларусі ў Нямеччыне. Пры гэтым існуюць сур'ёзныя праблемы з транспарціроўкай цела загінулага на радзіму. Як паведамляюць сваякі, кошт перавозкі цела можа каштаваць каля трох тысяч еўра. Па іх словах, кампанія-перавозчык на сёння садзейнічання не аказвае. Пакуль не ясна таксама, ці пакрываюцца гэтыя выдаткі за кошт страхоўкі. У адваротным выпадку плаціць за транспарціроўку прыйдзецца сваякам. Акрамя гэтага, для перавозкі цела нябожчыка патрабуецца мноства даведак і дазволаў.
Каментары