Філосаф, на пачатку 90-х ён быў дарадцам старшыні Вярхоўнага Савету Станіслава Шушкевіча. Да самай смерці заставаўся выдаўцом інтэрнэт-часопісу «Наша меркаванне» nmnby.org.
Памёр філосаф Сяргей Панькоўскі — у мінулым дэкан ЕГУ, на пачатку 90-х - дарадца старшыні Вярхоўнага Савету Станіслава Шушкевіча. Да самай смерці Сяргей Панькоўскі заставаўся выдаўцом інтэрнэт-часопісу «Наша меркаванне» nmnby.org. Быў сузаснавальнікам Беларускага інстытуту стратэгічных даследаванняў.
Прычынай смерці стаў панкрэатыт. Было яму 53 гады.
Пахаванне мае адбыцца ў панядзелак, а 14.00, у крэматорыі на Паўночных могілках. Грамадскае развітанне а 12-й у цырыманіяльнай зале на Альшэўскага.
Рэдакцыя НН выказвае шчырыя спачуванні сям’і і калегам нябожчыка. Няхай ягоная справа не загіне.
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары