Атручванне хлорам у спарткомплексе ў Серабранцы: эвакуявалі 82 чалавек, адзін супрацоўнік шпіталізаваны
Увечары 28 сакавіка ў ФАК «Серабранка» на Ракасоўскага, 44, адбылося надзвычайнае здарэнне з хлорам.
— Трохі за дзевяць вечара падышоў ахоўнік з рацыяй і папрасіў: «Пакіньце, калі ласка, будынак», — распавёў Tut.by відавочца здарэння Сяргей, які займаўся ў трэнажорнай зале. — Наведнікам сказалі, што ў падвале прарвала хлор, гэта вельмі небяспечна — можна апячы лёгкія. Мы пайшлі ў распранальню, але літаральна адразу ж да нас падышлі супрацоўнікі МНС у абмундзіраванні і сказалі выходзіць як мага хутчэй, — апісвае Сяргей. — У трэнажорнай зале было 10—15 чалавек максімум. Восем хлопцаў, можа, пяць дзяўчат. Значна больш выходзіла людзей з басейна, яны размешчаны на адным паверсе.
Па выхадзе з комплексу мінчук убачыў хуткую:
— На вуліцы стаяла чалавек 20 каля яе — якраз тыя, хто былі з басейна, некаторыя кашлялі.
Афіцыйны акаўнт МНС у Twiiter пацвердзіў, што ратавальнікі выязджалі па адрасе Ракасоўскага, 44: «Папярэдне наведвальнікі ФАК знаходзіліся ў сауне і адчулі пах хлоркі. Людзі самастойна пакінулі будынак».
Пазней МНС паведаміла, што 82 чалавекі эвакуяваныя, адзін супрацоўнік шпіталізаваны з папярэднім дыягназам «атручанне хлорам».
Пракуратура пра смерць Мелказёрава: журналіст меў хранічную хваробу17
Каментары