Народны артыст Грузіі Кахі Каўсадзэ, які праславіўся ў ролі Чорнага Абдулы ў фільме «Белае сонца пустыні», памёр ва ўзросце 85 гадоў у клініцы Тбілісі, паведамляе РБК са спасылкай на тэлеканал Rustavi 2.
У лістападзе 2020 года Каўсадзэ быў шпіталізаваны ў сувязі з заражэннем каранавіруснай інфекцыяй COVID-19, аднак прыкладна праз месяц выздаравеў.
Узімку 2021 года зноў трапіў у рэанімацыю, дактары ацэньвалі яго стан як «вельмі цяжкі».
***
Кахі Каўсадзэ нарадзіўся ў 1935 годзе ў Тбілісі, у сям'і кіраўніка Народнага ансамбля песні і танца Грузіі.
Яго бацька Давід у 1941-м пайшоў на фронт, трапіў у палон. У 1944 годзе стараннямі эмігрантаў-грузін, якія жылі ў Францыі, быў вызвалены і прыехаў у Францыю, дзе стварыў хор. Таксама быў у лагеры прапагандыстаў у Вустраве, дзе сфарміраваў ансамбль грузінскіх песень і танцаў. Вярнуўся ў СССР, быў арыштаваны і адпраўлены ў Сібір, дзе памёр у 1952 годзе.
Кахі і яго роднага брата, Імеры, выключылі з музычнай школы для адораных дзяцей як сыноў ворага народа.
Каментары