Сілавікі забралі з кватэры кіраўніка ІТ-кампаніі, ён на Акрэсціна
Удзень 26 красавіка прыйшлі да Івана Карпея, СЕО невялікай айці-кампаніі Centaurea. Прычына — сцяг у акне.
«Наша Ніва» звязалася з калегамі Івана.
«Учора званілі яму ў дзверы. Ён не адчыняў.
Патэлефанаваў гаспадар кватэры, якую Іван здымае, сказаў, што яго чакаюць унізе. Тады ён усё ж выйшаў. Там было некалькі чалавек у цывільным, якія паказалі «корачкі».
Вярнуліся ў яго кватэру, забралі сцяг. Пасля паехалі ў Першамайскае РУУС.
Цяпер мы дакладна не ведаем, дзе Іван. Ездзілі ў суд Першамайскага раёна, але яго прозвішча ў спісах пакуль няма», — расказваюць калегі.
Тэлеграм-канал «Спісы Акрэсціна» паведамляе, што Іван Карпей пакуль знаходзіцца на Акрэсціна.
Карпею 32 гады. Ён кіруе маленькай айці-кампаніяй Centaurea. Раней займаліся стартапамі, запускалі праекты, сёння ў асноўным займаюцца аўтсорсам.
Каментары