Заўзятары сарвалі матч «Манчэстэр Юнайтэд» — «Ліверпуль». Яны пратэставалі супраць Суперлігі
Матч паміж «Манчэстар Юнайтэд» і «Ліверпулем» у 34-м туры англійскай Прэм'ер-лігі перанесены на нявызначаны тэрмін, піша Eurosport.
Стартавы свісток павінен быў прагучаць у 18.30, але за пару гадзін да пачатку гульні фанаты «Юнайтэд», якія выступаюць супраць сям'і Глейзераў, уладальнікаў «МЮ», прарваліся на «Олд Трафард» і высыпалі на поле. Праз гэта старт матча быў адкладзены на нявызначаны тэрмін.
Афіцыйныя прадстаўнікі клубаў не змаглі трапіць на стадыён, каманды засталіся ў гатэлях.
«Пасля абмеркавання сітуацыі прадстаўнікамі паліцыі, Прэм'ер-лігі, кіраўніцтва стадыёна «Олд Трафард» і клубаў наш матч супраць «Ліверпуля» быў адкладзены з меркаванняў бяспекі ў сувязі з сённяшнімі пратэстамі. Мы будзем праводзіць перамовы з Прэм'ер-Лігай аб новай даце матча», — гаворыцца ў заяве «МЮ».
Заўзятары «МЮ» даўно выступаюць супраць Глейзераў, але з няўдалым запускам Суперлігі пратэсты ўспыхнулі з новай сілай.
Пракуратура пра смерць Мелказёрава: журналіст меў хранічную хваробу17
Каментары