У Новай Зеландыі спрабуюць знішчыць вожыкаў, завезеных у краіну брытанскімі каланізатарамі шмат гадоў таму. Пра гэта піша «Звязда» са спасылкай на knife.media.
Папуляцыя вожыкаў вырасла ў некалькі разоў з-за адсутнасці драпежнікаў. Цяпер яны знішчаюць мясцовую флору і фаўну. Па падліках экспертаў, за суткі адзін вожык можа з’есці да 60 рэдкіх цвыркуноў-уэта.
«Напляваўшы на харчовы ланцужок, яны шчасліва блукаюць па лясах і садах, з’ядаючы неверагодную колькасць мясцовых істот», — расказваюць яны.
Улады спрабуюць знішчыць жывёл шляхам адлову, палявання і атручвання, але мала хто з мясцовых жыхароў згодны з імі, бо вожыкі выглядаюць бяскрыўдна.
Некаторыя навукоўцы прапануюць адлавіць вожыкаў і адправіць назад у Вялікабрытанію, дзе за іх правы змагаюцца актывісты.
Цяпер чытаюць
Пракуратура пра смерць Мелказёрава: журналіст меў хранічную хваробу20
Каментары