Служба занятасці шукае новага старшыню ў Альфа-банк. Абяцаюць 5000 рублёў заробку
На сайце Дзяржаўнай службы занятасці з'явілася абвестка аб пошуку старшыні праўлення з наяўнасцю ацэнкі адпаведнасці ад Нацбанка.
Адрас вакансіі — галоўны офіс «Альфа-банка», чыі два кіраўнікі нядаўна страцілі ліцэнзію на права займаць кіруючыя пасады ў банкаўскай сферы.
Абяцаны заробак — 5000 рублёў.
Вядома, званіць у службу занятасці з пытаннем, як уладкавацца, бессэнсоўна. Публічнае размяшчэнне вакансіі сведчыць толькі пра тое, што, імаверна, у беларускі філіял будзе дасланы менеджар з расійскім пашпартам — у такім выпадку размяшчэнне абавязковае згодна з законам «Аб знешняй працоўнай міграцыі».
«Альфа-банк» — гэта камерцыйны банк, якім валодае расійскі капітал, у Беларусь часам камандыруюць менеджараў-расіян. Апошнім часам палітыка беларускага Нацбанка рэзка адрозніваецца ад уяўленняў расійскіх акцыянераў аб правільным менеджменце, у выніку чаго кіраўніцтва беларускага банка вымушана прыслухоўвацца адразу да двух цэнтраў сілы. Імаверна, гэтым і выклікана адкліканне ліцэнзій у ранейшага кіраўніцтва.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары