Літва забараніла самалётам з Беларусі ўваход у сваю паветраную прастору
Забарона на права ўваходу ў паветраную прастору краіны для беларускіх авіякампаній, а таксама для ўсіх авіяперавозчыкаў, ліцэнзія якім выдадзена Мінскам, уступіў у чацвер у сілу ў Літве. Рашэнне аб гэтым прыняў напярэдадні урад, піша ТАСС.
Як адзначыў міністр камунікацый і транспарту Літвы Марус Скуодзіс, на саміце Еўрасаюза ў Бруселі кіраўнікі краін — сяброў супольнасці і кіраўніцтва ЕС прыйшлі да высновы, што еўрапейская паветраная прастора павінна быць для беларускіх авіякампаній закрытая. Вільня, паводле слоў кіраўніка ведамства, неадкладна рэалізавала гэта на дзеле. Рашэнне ўступіла ў сілу ў чацвер а 03:00.
Літва таксама звярнулася ў аўторак да Міжнароднай арганізацыі грамадзянскай авіяцыі з просьбай абвясціць паветраную прастору Беларусі небяспечнай. У той жа дзень Вільня ўвяла забарону на прыём у літоўскіх аэрапортах і вылет з іх самалётаў, якія па маршруце руху перасякаюць паветраную прастору Беларусі.
Гэтыя крокі зробленыя пасля інцыдэнту з вымушанай пасадкай 23 мая ў мінскім аэрапорце пасажырскага самалёта кампаніі Ryanair, які рухаўся з Афінаў у Вільню. Пасля прызямлення ў Мінску быў затрыманы апазіцыйны журналіст Раман Пратасевіч, які жыве ў Літве па выдадзенай нацыянальнай візе. У Вільні тое, што здарылася назвалі аперацыяй спецслужбаў з мэтай затрымання блогера. Праваахоўныя органы Літвы распачалі крымінальную справу па факце захопу паветранага судна.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары