Грамадства

«Дзед, табе за мяне сорамна не будзе»: унучка Шушкевіча пачала галадоўку ў Варшаве

Актывісткі «Моладзевага хабу» Стася Гліннік і Бажэна Шамовіч пачалі бестэрміновую галадоўку ля будынка Еўракамісіі ў Варшаве.

Яны патрабуюць ад еўрапейскіх чыноўнікаў увядзення новых санкцый супраць рэжыму Лукашэнкі. Высветлілася, што Стася з’яўляецца ўнучкай колішняга кіраўніка Беларусі Станіслава Шушкевіча. Яе дзядуля падзяліўся ўражаннямі ад учынку Стасі, а таксама крыху паразважаў аб падзеях у краіне.

Стася Гліннік. Фота з ВК

«Мая ўнучка робіць што хоча, яна вельмі самастойная. Стасі ўжо больш за 20 гадоў. Яна скончыла Варшаўскі ўніверсітэт, атрымлівае завочна яшчэ адну адукацыю, працуе і сябе забяспечвае. Я не маю ніякага дачынення да яе рашэнняў. Я б хацеў, каб яна нармальна працавала і жыла, але яна мне кажа: «Дзед, табе сорамна за мяне не будзе», — кажа Станіслаў Шушкевіч.

Пра Стасю ён расказвае наступнае: «Я хачу сказаць цікавую рэч. Стася была тройчы пераможцай міжнародных школьных алімпіяд па біялогіі. Атрымлівала граматы ў Сіэтле, Стамбуле, дзесьці яшчэ. За гэта Лукашэнка падпісаў ёй такую паперку, што яна можа паступіць у любую беларускую ВНУ без уступных экзаменаў і з павышанай стыпендыяй. Яна паступіла на біяфак, але ўжо тады выходзіла на акцыі пратэсту, дык калі даведаліся, што ў яе дзед Шушкевіч, то пачалі цкаваць яе. У выніку яна кінула ўсё — і паехала ў Варшаву.

Стася Гліннік са сцягам. Фота «Белсата»

Стася лічыла, што не хоча мець нічога супольнага з гэтым збродам, які асуджае яе за нармальныя ўчынкі. Сам во толькі даведаўся з інтэрнэту пра яе навіны, якраз збіраўся пазваніць ёй. Яна ўсё выдатна разумее, што адбываецца ў Беларусі, яна нармальны чалавек, прыстойны».

Якія думкі ў Шушкевіча адносна той сітуацыі, што склалася ўнутры Беларусі пасля прымусовай пасадкі ў Мінску самалёта кампаніі Raynair? 

«Мы ўвесь час змагаемся з любой «муткай», якую пусціць Лукашэнка. Цяпер вось даказваем з самалётам, што гэта подласць, фальсіфікацыя, што Пратасевіч незаконна арыштаваны. Але мы забываем, што Лукашэнка ўжо не павінен быць кіраўніком краіны, калі 300 тысяч чалавек выйшлі на вуліцы Мінска. 

І мы забываемся, што існуе такая выдатная пара — Пуцін і Лукашэнка. Лукашэнка можа зрабіць тое, на што ніколі не пойдзе Пуцін, бо ён нічога не саромеецца. Усё робіцца для таго, каб Беларусь стала часткай Расійскай імперыі, каб Расія цвіла і пахла. Лукашэнка вельмі добры партнёр у гэтым сэнсе, таму Пуцін і абяцае яму падтрымку.

Станіслаў Шушкевіч. Фота Надзеі Бужан

Пуцін не можа паказаць, што ён кепска дзейнічае. Вось забаранілі над Беларуссю лётаць, а Пуцін дапамагае Лукашэнку, не прымаюць самалёт, які ляціць з Аўстрыі ў Маскву не праз Беларусь. Проста дэманструюць здымак, дзе Пуцін паціскае руку Лукашэнку, так і дапамагае».

Як здароўе першага кіраўніка незалежнай Беларусі?

«Шмат чытаю інтэрнэт, сяджу за камп’ютарам. У мяне павінна было быць некалькі лекцый анлайн.

Я цяпер у ізаляцыі, бо калі злаўлю каранавірус, то мне канец. У мяне два мужы маіх сясцёр памерлі, памерла стрыечная сястра. Не хочацца пакуль ім кампанію складаць. Ёсць жаданне яшчэ пажыць, але рэалізаваць гэта не так проста».

Каментары

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

У Нацбанку растлумачылі прычыны тэхнічнага збою, які адбыўся з карткамі4

Не думайце, што гэта капейкі!3

«Я амаль заўсёды ў дарозе». Гісторыя бяздомнай беларускі, якая жыве ў падарожжах9

«З залатой бульбы». Беларуска знайшла дранікі за 32 рублі1

Арына Сабаленка не прайшла ў фінал Уімблдона4

У Літве расказалі, чаму не збівалі дрон, які заляцеў да іх з Беларусі4

Сенсацыйнае адкрыццё: звычайны сіроп ад кашлю абараняе ад дэменцыі

З-за непагадзі Мінск перажывае вялікія транспартныя складанасці

Марка Рубіа выказаў расчараванне пасля сустрэчы з Лаўровым1

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою4

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць