Расійскія найміты ў Цэнтральнаафрыканскай Рэспубліцы неаднаразова былі датычныя да катаванняў і забойстваў мясцовых жыхароў пад маркай барацьбы з паўстанцамі, піша CNN.
Адпаведную інфармацыю распавялі жыхары горада Бамбары. Увогуле, журналісты адзначаюць, што лютаўскі інцыдэнт у Бамбары — адзін з дзясятка расследаваных выпадкаў парушэння правоў чалавека расійскімі баевікамі.
Журналісты змянілі імёны мясцовых для абароны іх ад пераследаў. Тыя распавялі, што расіяне нібыта адкрылі агонь па цывільных, калі тыя схаваліся ў мячэці Аль-Таква. Тады загінулі дзеці.
Па словах мясцовых, некалькі мірных жыхароў былі застрэленыя, калі расіяне і армія загадалі людзям пакінуць мячэць. Тады, нягледзячы на тое, што людзі выходзілі з мячэці з паднятымі ўверх рукамі, вайскоўцы адкрылі па іх агонь. Чатыры чалавекі загінулі, а яшчэ адзін уцёк. Мужчыну, які распавёў пра гэта CNN, тады паранілі ў нагу. У той жа час, медыцынскую дапамогу ён атрымаць у шпіталі не мог, таму што там вартавалі мясцовыя вайскоўцы, а таму быў вымушаны хавацца.
Таксама ёсць сведчанні аб абстрэлах мірных жыхароў з расійскіх верталётаў. CNN пацвярджае, што ў пачатку года да ЦАР сапраўды было адпраўлена некалькі расійскіх баявых верталётаў.
Падчас гэтага лютаўскага інцыдэнту ў мячэці нібыта было забіта ад 12 да 20 чалавек.
Цяпер чытаюць
«Ты яшчэ не стамілася?» Апублікавалі перапіску Мельнікавай, дзе ёй пагражалі9
Каментары