Расія хоча прыцягнуць 20-30 тысяч беларускіх будаўнікоў для працы над ключавымі аб'ектамі. Аб гэтым заявіў віцэ-прэм'ер Расіі Марат Хуснулін, піша ТАСС.
Паводле яго слоў, у маі ён і віцэ-прэм'ер Беларусі Анатоль Сівак дамовіліся ў самыя кароткія тэрміны адпрацаваць пытанне кошту прыцягнення беларускіх спецыялістаў для будаўніцтва ключавых аб'ектаў у Расіі.
Са слоў Хуснуліна, праз недахоп будаўнікоў расійскі ўрад гатовы прыцягнуць 20-30 тысяч спецыялістаў з Беларусі для працы над ключавымі аб'ектамі ў Расіі. У маі ў Маскве адбылася яго сустрэча з намеснікам прэм'ер-міністра Беларусі Анатолем Сіваком. Бакі дамовіліся ў самыя кароткія тэрміны вызначыць кошт прыцягнення ў гэтых мэтах беларускіх будаўнікоў. Усе пытанні працаўладкавання будзе каардынаваць Міністэрства будаўніцтва Расіі.
Беларускіх будаўнікоў могуць задзейнічаць на будаўніцтве касмадрома Усходні, Усходняга палігона, культурнага цэнтра ў Калінінградзе.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА3
Каментары