Як адзначае «Gazeta Wyborcza», раней польскія інвестыцыі ішлі ў асноўным ва Украіну, але з‑за глыбокага крызісу будаўнічы рынак там скараціўся больш чым на 55 працэнтаў. Тым часам у Беларусі назіраецца будаўнічы бум.
Пасля апошняй справаздачы PMR «Будаўнічы сектар Беларусі ў 2009 годзе — прагнозы развіцця на 2009‑2011», пачалося актыўнае абмеркаванне беларускага будаўнічага рынку ў польскіх сродках масавай інфармацыі.
Як адзначае «Gazeta Wyborcza», раней польскія інвестыцыі ішлі ў асноўным ва Украіну, але з‑за глыбокага крызісу будаўнічы рынак там скараціўся больш чым на 55 працэнтаў. Расійскі будаўнічы рынак скараціўся прыкладна на адну пятую частку, а рынак у Казахстане на 8 працэнтаў. Тым часам у Беларусі назіраецца будаўнічы бум. Чым патлумачыць гэты феномен?
Паводле справаздачы PMR (кампаніі, якая займаецца прадстаўленнем рынкавай інфармацыі міжнародным кампаніям), у краінах са слабай будаўнічай прамысловасцю праекты падтрымліваліся раней праз замежны капітал і галоўным чынам у форме крэдытаў. Калі ў выніку глабальнага фінансавага крызісу гэтыя крыніцы фінансавання вычарпаліся, многія будаўнічыя праекты былі прыпыненыя.
Паводле «GW», у Беларусі большасць фінансавых інвестыцый ідзе з цэнтральнага бюджэту, таму іх рэалізацыя працягваецца. Роберт Обеткан , аналітык PMR у галіне будаўнічага рынку, адзначае, што рынак нерухомасці Беларусі не такі развіты, як у іншых краінах СНД, таму на ім няма тых жа з’яў, што назіраюцца у Расіі і Украіне: хаатычнага росту гарадоў ці перагрэву рынку. Ён адзначае, што Беларусь стала мэтавым аб’ектам экспансіі многіх замежных фірмаў, якія хочуць экспартаваць сюды будаўнічыя матэрыялы і тэхніку, а таксама выкупіць мясцовыя будаўнічыя кампаніі і нават стварыць новыя.
Прэзідэнт Польскай гандлёва‑прамысловай палаты будаўніцтва Збігнеў Бахман, які з’яўляецца добрым знаўцам усходніх рынкаў, упэўнены, што
будаўнічы бум у Беларусі выкарыстаюць таксама польскія вытворцы будаўнічых матэрыялаў, у якіх пачаліся праблемы ў сувязі з крызісам. — Вы павінны выкарыстоўваць той факт, што наша прадукцыя мае там вельмі добрую рэпутацыю. — кажа ён.
У якасці прыкладу Бахман прывёў факт таго, што былы пасол Беларусі ў Польшчы і цяперашні міністар культуры Павал Латушка прывёз з Польшчы апрацоўчыя матэрыялы для свайго дому пад Мінскам. Не пужае польскіх экспертаў і цяжкасці ў сувязі з вядзеннем бізнесу ў Беларусі. Роберт Обеткан прызнае, што гэта справа нялёгкая, але тым часам адзначае, што наша краіна стала больш зручнай для вядзення бізнесу, чым Расія і Украіна. А Збігнеў Бахман звярнуў увагу на лібералізацыю беларускай эканомікі — спрасцілася заканадаўства, якое тычыцца правядзення будаўнічых інвестыцый і правядзення тэндараў.
Сайт inwestycje.pl адзначае, што агулам у 2009 годзе Беларусь плануе ўвесці 52 рэформы, накіраваных на лібералізацыю эканомікі. У тым ліку, улады збіраюцца спрасціць працэдуры сертыфікацыі і працэдуры, звязаныя з праектаваннем, будаўніцтвам і ўвядзеннем у эксплуатацыю будынкаў , што безумоўна пабольшыць колькасць замежных інвестыцый у Беларусі.
Ціханоўская пра мужа: Увесь ягоны свет перакулены22
Каментары