Алена Богдан: Беларусь вядзе перамовы наконт Pfizer пры ўдзеле пасольства ЗША
Пра гэта першы намеснік міністра аховы здароўя, старшыня Беларускага саюза жанчын Алена Богдан заявіла падчас правядзення круглага стала, прысвечанага тэме вакцынацыі ад COVID-19, паведамляе «Звязда».
Яна распавяла, чаму Беларусь выбрала вакцыну «Спутнік V».
«Сусветная арганізацыя аховы здароўя прапанавала ўсім краінам уступіць у структуру «Ковакс». Умова ўдзелу была перадаплата будучых вакцын. Мы прыглядаліся, аналізавалі і вырашылі не спяшацца з уступленнем у «Ковакс». Як аказалася, правільна зрабілі: ні ў адной краіне гэтая ініцыятыва не запрацавала. Напрыклад, Вялікабрытанія ўнесла перадаплату і па гэтай праграме вакцыну не атрымала, — паясніла Алена Богдан. —
У якасці стратэгіі мы выбралі супрацоўніцтва з Расійскай Федэрацыяй. Удзельнічалі і ў выпрабаваннях яе вакцыны. Першыя атрымалі партыі для прышчэпкі. Не бясплатна, гэта была дзяржзакупка. Затым мы змаглі на прадпрыемствах Белфармацыі наладзіць вытворчасць расійскай вакцыны. Створаны ў нас «Спутнік» мае некалькі ступеняў кантролю якасці. У канцы частка флаконаў з кожнай партыі правяраецца ў інстытуце імя Гамалеі ў Маскве. І толькі пасля гэтага паступае ў паліклінікі нашай краіны.
«Перагаворы з вытворцамі вакцын AstraZeneca і Pfizer праводзіліся, яны не прыйшлі да нас, і больш перагаворы не вядуцца. У той жа час вядзём перамовы па пастаўках да нас Pfizer пры ўдзеле пасольства ЗША. Адказ: калі застанецца, мы вам перададзім», — дадала яна.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала17
Каментары