«Любы рух выклікае ў мяне боль»: Крысціна Ціманоўская бярэ паўзу ў трэніроўках з-за траўмы шыі
Пра гэта яна напісала ў сваім інстаграме.
«На жаль, я вымушана канстатаваць той факт, што мне давядзецца ўзяць паўзу ў трэніроўках з-за траўмы шыі. Любы рух выклікае ў мяне боль і самае важнае зараз — гэта прайсці курс рэабілітацыі і зноў вярнуцца ў строй.
Так выйшла, што гэтую траўму я атрымала як раз у Токіа на трэніроўцы. Вядома ж, я адразу звярнулася там да доктара, мяне агледзелі і паставілі дыягназ — удар. Намазалі маззю і сказалі, што праз пару дзён усё пройдзе. Маглі, вядома, зрабіць і дадатковыя абследаванні, бо там было ўсё неабходнае абсталяванне, але не сталі.
Па выніку, я жыла з болем у шыі месяц, а ў пятніцу, пасля МРТ, высветлілася, што ў мяне надрыў звязак.
Вы задаецца пытаннем: а як можна было траўмаваць шыю? Усё вельмі проста! Я рабіла штангу вагой 120 кг і ў момант, калі я з ёй ўставала, яна крыху адарвалася ад шыі і ўпала назад. Я пачула шчаўчок і адразу адчула боль. На гэтым я скончыла трэніроўку, але ўжо тады разумела, што гэта абыдзецца як мінімум ударам, а максімум пераломам.
І, вядома, усе далейшыя трэніроўкі выклікалі боль, як і спаборніцтвы, але я старалася яе не заўважаць, бо я 5 гадоў ішла да гэтага старту і хацела годна выступіць. Па шчаслівым збегу абставінаў ніякіх пераломаў у мяне няма, але ёсць надрыў, які трэба лячыць і на гэта трэба час.
Але я хачу сказаць адно! Я ніколі не здамся. Зараз я буду праходзіць інтэнсіўнае лячэнне для больш хуткага выздараўлення. Вялікі дзякуй за разуменне і падтрымку! Хутка ўбачымся!» — напісала яна.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі5
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары