Мужчына паспрачаўся з незнаёмцамі, што выгукне «Жыве Беларусь» у тралейбусе, а яны аказаліся з міліцыі. Вынік — 30 сутак
61-гадовага Міхаіла Дубіну 8 верасня затрымалі на прыпынку грамадскага транспарту за лозунг «Жыве Беларусь» у тралейбусе, пішуць праваабаронцы.
«Неабыякавы грамадзянін» паскардзіўся ў міліцыю на тое, што «невядомы мужчына выходзіў і выкрыкваў лозунг». Таму па выхадзе з транспарту Міхаіла адразу затрымалі міліцыянты. У Фрунзенскім РУУСе на мужчыну склалі пратакол па арт. 24.23 КаАП за несанкцыянаванае пікетаванне.
Сёння справу Дубіны разгледзела суддзя Марыя Ярохіна. Міхаіл сцвярджае, што ў тралейбусе паспрачаўся з двума мужчынамі на шакаладку, што выкрыкне «Жыве Беларусь». У выніку аказалася, што гэтыя мужчыны — міліцыянты ў цывільным.
Суддзя Ярохіна прызнала Міхаіла вінаватым і пакарала яго 30-сутачным арыштам.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах12
Каментары