Саюз беларускіх пісьменнікаў прайграў пазоў да Мінюста ў Вярхоўным судзе, арганізацыі таксама пагражае ліквідацыя
Вярхоўны суд пакінуў у сіле пісьмовае папярэджанне, вынесенае Мінюстам на адрас Саюза беларускіх пісьменнікаў.
Вынясенне папярэджання было матывавана тым, што Саюз не падаў своечасова запатрабаваных дакументаў. Той факт, што ліст з гэтым патрабаваннем прыйшоў у офіс у дзень здачы папер, а на наступны дзень офіс СБП быў апячатаны Следчым камітэтам, не быў прыняты да ўвагі Вярхоўным судом, паведамляе «Радыё Свабода».
23 і 24 верасня ў Вярхоўным судзе Беларусі адбыліся слуханні па пазове СБП да Міністэрства юстыцыі па абскарджанні пісьмовага папярэджання.
Папярэджанне вынеслі 14 ліпеня 2021 года за тое, што арганізацыя не прадставіла дакументы. Прычым патрабаванне ў арганізацыі атрымалі 13 ліпеня, і ў тэрмін да 13 ліпеня трэба было прадставіць пакет дакументаў па дзясятках пунктаў дзейнасці арганізацыі.
Пасля высвятлення сутнасці справы, абмеркавання яе матэрыялаў і дыскусіі бакоў 24 верасня Вярхоўны Суд адхіліў пазоў СБП і пакінуў папярэджанне ў сіле. Цяпер арганізацыі пагражае ліквідацыя.
Згуртаванне беларусаў свету «Бацькаўшчына» ліквідавалі. Арганізацыя дзейнічала з 1990 года
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі5
Каментары