Анлайн-плацяжы могуць прымусіць вас траціць больш. Вось як з гэтым спраўляцца
Лайфхакі, як захаваць кантроль за грашыма.
Лічбавыя плацяжы робяць наша жыццё больш зручным. Дзякуючы пары клікаў можна купіць амаль усё што заўгодна або даслаць грошы сям’і ці сябрам. Шмат хто таксама карыстаецца падпіскамі на мабільныя дадаткі і стрымінгавыя сервісы.
Аднак анлайн-плацяжы маюць сваю небяспеку — яны прымушаюць нас траціць грошы нібыта «на аўтапілоце».
Мы быццам перадаем кантроль за ўласнымі выдаткамі камусьці іншаму — напрыклад, сэрвісу, што кожны месяц спісвае з нас нейкую суму грошай, каб захаваць за намі падпіску на любімы дадатак. У такой сітуацыі можна страціць кантроль над тым, колькі грошай вы траціце, і пачаць транжырыць уласны заробак, папярэджвае Wall Street Journal.
Эксперты выпрацавалі некалькі рэкамендацый для аматараў анлайн-плацяжоў.
Пачнем з таго, што ў канцы кожнага дня варта правяраць зробленыя вамі транзакцыі, каб ведаць, куды сыходзяць вашы грошы.
Яшчэ адна парада — скараціць колькасць варыянтаў плацяжоў, напрыклад, карыстацца толькі адной пластыкавай карткай ці адным мабільным дадаткам для плацяжоў. Гэта дазволіць больш лёгка бачыць, як шмат вы траціце.
Калі ж размова ідзе пра падпіскі на сервісы, трэба памятаць, што іх кошт — рэч нестабільная. Карыстальнік, што пагаджаецца на аўтаматычны працяг падпіскі, таксама пагаджаецца на патэнцыяльны і часам непазбежны рост яе кошту, што можа дрэнна паўплываць на стан яго фінансаў.
Таму варта сачыць за тым, як змяняецца кошт на вашы падпіскі. Калі адна з іх стала даражэйшай, разгледзьце магчымасць спыніць нейкую іншую падпіску. Часам бывае больш выгадна падпісацца на сервіс адразу на год і не працягваць падпіску кожны месяц.
На жаль, нярэдка падпісацца на сервіс значна лягчэй, чым разабрацца ў наладах і знайсці спосаб адмяніць падпіску.
Можна кожныя паўгода правяраць, якія падпіскі ў вас ёсць і як часта вы іх выкарыстоўваеце.
Да 5999 рублёў. Названыя афіцыйныя цэны iPhone 13 і iPhone 13 Pro ў Беларусі
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары