Anłajn-płaciažy mohuć prymusić vas tracić bolš. Voś jak z hetym spraŭlacca
Łajfchaki, jak zachavać kantrol za hrašyma.
Ličbavyja płaciažy robiać naša žyćcio bolš zručnym. Dziakujučy pary klikaŭ možna kupić amal usio što zaŭhodna abo dasłać hrošy siamji ci siabram. Šmat chto taksama karystajecca padpiskami na mabilnyja dadatki i stryminhavyja siervisy.
Adnak anłajn-płaciažy majuć svaju niebiaśpieku — jany prymušajuć nas tracić hrošy nibyta «na aŭtapiłocie».
My byccam pieradajem kantrol za ŭłasnymi vydatkami kamuści inšamu — naprykład, servisu, što kožny miesiac śpisvaje z nas niejkuju sumu hrošaj, kab zachavać za nami padpisku na lubimy dadatak. U takoj situacyi možna stracić kantrol nad tym, kolki hrošaj vy tracicie, i pačać tranžyryć ułasny zarobak, papiaredžvaje Wall Street Journal.
Ekśpierty vypracavali niekalki rekamiendacyj dla amataraŭ anłajn-płaciažoŭ.
Pačniem z taho, što ŭ kancy kožnaha dnia varta praviarać zroblenyja vami tranzakcyi, kab viedać, kudy sychodziać vašy hrošy.
Jašče adna parada — skaracić kolkaść varyjantaŭ płaciažoŭ, naprykład, karystacca tolki adnoj płastykavaj kartkaj ci adnym mabilnym dadatkam dla płaciažoŭ. Heta dazvolić bolš lohka bačyć, jak šmat vy tracicie.
Kali ž razmova idzie pra padpiski na siervisy, treba pamiatać, što ich košt — reč niestabilnaja. Karystalnik, što pahadžajecca na aŭtamatyčny praciah padpiski, taksama pahadžajecca na patencyjalny i časam niepaźbiežny rost jaje koštu, što moža drenna paŭpłyvać na stan jaho finansaŭ.
Tamu varta sačyć za tym, jak źmianiajecca košt na vašy padpiski. Kali adna ź ich stała daražejšaj, razhledźcie mahčymaść spynić niejkuju inšuju padpisku. Časam byvaje bolš vyhadna padpisacca na siervis adrazu na hod i nie praciahvać padpisku kožny miesiac.
Na žal, niaredka padpisacca na siervis značna lahčej, čym razabracca ŭ naładach i znajści sposab admianić padpisku.
Možna kožnyja paŭhoda praviarać, jakija padpiski ŭ vas jość i jak časta vy ich vykarystoŭvajecie.
Da 5999 rubloŭ. Nazvanyja aficyjnyja ceny iPhone 13 i iPhone 13 Pro ŭ Biełarusi
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary