Lego выпусціла канструктар — дакладную копію асабняка з фільма «Адзін дома»
Кампанія Lego выпусціла канструктар, які з'яўляецца дакладнай копіяй дома сям'і Макалістэраў з фільма «Адзін дома» 1990 года, паведамляе CNN. Калядная камедыя расказвае пра 8-гадовага Кевіна, якога бацькі забыліся ўзяць з сабой у падарожжа. Застаўшыся адзін, хлопчык вымушаны абараняцца ад рабаўнікоў і робіць для іх розныя пасткі.
Набор складаецца з 3 955 дэталяў і абыдзецца ў $250. Дызайн канструктара распрацаваў украінскі прыхільнік фільма — 28-гадовы Алекс Старажук. У кампаніі адзначаюць, што гэта самы вялікі набор з усіх, калі-небудзь створаных фанатамі ў рамках праекта Lego Ideas, які дазваляе карыстальнікам прыдумляць мадэлі самастойна. Увасобіць ідэю ў жыццё дапамагла дызайнер Lego Антыка Браканава.
«Ажыўляць праект Алекса было сапраўднай забавай. Ён прадумаў кожны аспект, ад планіроўкі пакояў да выкарыстання колеру і, вядома ж, дэталяў з фільма, каб зрабіць дом імгненна пазнавальным», — падкрэслівае дызайнерка праекта.
Канструктар паступіць у продаж 1 лістапада.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары