Тэст або вакцынацыя: Мінздароўя абнавіла рэкамендацыі па прафілактыцы кавіду ў санаторыях
У Беларусі актуалізаваны часовыя рэкамендацыі па прафілактыцы заносу і распаўсюду COVID-19 пры арганізацыі работы аздараўленчых і санаторна-курортных арганізацый, паведамляецца на сайце ведамства.
Такім чынам, зменены правілы прыёму замежных грамадзян. Пры прыездзе ў санаторна-курортную або аздараўленчую арганізацыю ім неабходна даць адмоўны вынік ПЛР-тэста, выкананага не пазней за трое сутак да даты прыбыцця.
У выпадку наяўнасці арыгінала альбо копіі дакумента на папяровым носьбіце аб праведзеным курсе вакцынацыі супраць кавіду, калі ад моманту яго завяршэння прайшло не менш за адзін месяц і не больш за 12 месяцаў, вынік ПЛР-тэста не патрабуецца.
Грамадзяне Беларусі, прышчэпленыя ад каранавіруса, павінны паказаць сертыфікат аб вакцынацыі альбо іншы медыцынскі дакумент, які пацвярджае яе правядзенне. Магчыма ўнясенне звестак аб гэтай прышчэпцы ў выпіску з медыцынскіх дакументаў, што атрымліваецца для прадастаўлення ў санаторна-курортную арганізацыю.
Каментары