Спорт

Жанчынам у пляжным гандболе дазволілі менш агаляцца

Цяпер спартоўкі могуць гуляць у кароткіх топах і шортах замест бікіні.

Форма гандбалістак у адпаведнасці з ранейшымі правіламі. Скрын відэа

Міжнародная федэрацыя гандбола змяніла свае правілы па ўніформе, абавязковай для каманд у жаночым пляжным гандболе. Цяпер замест трусоў бікіні і кароткіх топаў гандбалісткі могуць выходзіць на пляцоўку ў кароткіх шортах і майках са шлейкамі. Федэрацыя дазволіла спартоўкам больш закрытую форму ў адказ на абвінавачванні ў сэксізме, якія яна атрымлівала апошні час.

У ліпені Еўрапейская федэрацыя гандбола прысудзіла нарвежскай камандзе па пляжным гандболе штраф у 1500 еўра за «неадпаведнае адзенне». Падчас чэмпіянату Еўропы спартоўкі выйшлі на пляцоўку не ў трусах бікіні, а ў шортах накшталт тых, што насілі мужчыны-гандбалісты, тлумачыць Guardian.

Пакаранне нарвежак выклікала абурэнне сярод грамадскіх актывістаў. Тое, што гандбалісткі павінны выступаць у больш адкрытай форме, чым гандбалісты, палічылі праявай сэксізму.

Амерыканская поп-зорка Pink у сваім твітары выразіла гонар учынкам нарвежак і прапанавала заплаціць за іх штраф. Нарвежскі міністр спорту і культуры Абід Раджа назваў правілы ўніформы ў пляжным гандболе «абсалютна неразумнымі», а жаночыя спартовыя асацыяцыі з усяго кантынента заклікалі да звальнення кіраўніцтваў міжнароднай і еўрапейскай гандбольных федэрацый.

Нарвежска-аўстралійская актывістка Таліта Стоўн стварыла петыцыю з заклікам змяніць правілы жаночай уніформы ў пляжным гандболе. Ёй удалося сабраць 61 тысячу подпісаў. 

У мінулым месяцы міністры спорту Даніі, Нарвегіі, Швецыі, Ісландыі і Фінляндыі напісалі ў Міжнародную федэрацыю гандбола сумесны ліст з просьбай абнавіць састарэлыя правілы ўніформы.

Цяпер гандбалісткі могуць гуляць у кароткіх шчыльных шортах, што будуць цесна прылягаць да цела.

Актывістка Таліта Стоўн падтрымала цяперашняе рашэнне федэрацыі і выразіла спадзяванне, што яно стане пачаткам канца сэксізму і аб’ектывацыі жанчын і дзяўчат у спорце.

Каментары

Цяпер чытаюць

Рэпрэсіі разганяюцца ці запавольваюцца? Давайце лічыць6

Рэпрэсіі разганяюцца ці запавольваюцца? Давайце лічыць

Усе навіны →
Усе навіны

Трамп разглядае магчымасць выкарыстання для гарантый Украіне амерыканскіх ПВК2

У варшаўскай паліцыі расказалі, чаму ўчора ездзілі ў хаб «Робім Разам» Сяргея Бульбы1

Кіраўнік Белаазёрска расказаў пра падрыхтоўку да «Дажынак», а людзі захэйцілі ў каментарах3

У пераддажыначным Заслаўі загаварыў па-расейску Сымон Будны ФОТАФАКТ13

«Не адразу мяне прынялі». Крысціна Ціманоўская расказала, з якімі праблемамі сутыкалася ў польскай зборнай5

У Кіеве чалавек упаў з 19-га паверха і выжыў1

Камуніст з Гомеля запісаўся добраахвотнікам на вайну на баку Расіі. І загінуў25

Літва ўмацавала мяжу з Беларуссю «зубамі дракона»

Пры Латушку кругласутачна знаходзіцца прылада, якая можа вылічыць яго месцазнаходжанне з дакладнасцю да метра12

больш чытаных навін
больш лайканых навін

Рэпрэсіі разганяюцца ці запавольваюцца? Давайце лічыць6

Рэпрэсіі разганяюцца ці запавольваюцца? Давайце лічыць

Галоўнае
Усе навіны →

Заўвага:

 

 

 

 

Закрыць Паведаміць