Грамадства33

Кіраўнік Белаазёрска расказаў пра падрыхтоўку да «Дажынак», а людзі захэйцілі ў каментарах

У Белаазёрску пройдуць брэсцкія абласныя «Дажынкі» 2025 года. Горад рыхтуюць да правядзення свята і прыёму начальства, ідзе рамонт. Пра ход упарадкавання расказаў дзяржаўнай прэсе старшыня Белаазёрскага гарвыканкама Уладзімір Піліпец. А людзі накідалі меркаванняў у каментарах, піша выданне «Першы».

Рамонтныя работы ў цэнтры Белаазёрска

«На сённяшні дзень асноўныя аб'екты прыведзены ўсе ў належны стан. Гэта дваровыя тэрыторыі, гэта ўпарадкаванне жылых дамоў, упарадкаванне плошчаў, спартзала. Басейн уведзены ў эксплуатацыю. Адкрыты парк, у якім будзе ўсталяваны помнік Герою Савецкага Саюза Свідзінскаму», — расказваў 21 жніўня ў тыктоку газеты «Заря» Уладзімір Піліпец.

Кіраўнік выканаўчай улады горада зрабіў выснову, што «Дажынкі» дазволілі правесці ўпарадкаванне Белаазёрска, «горад набыў цалкам новы знешні выгляд, новую інфраструктуру».

Пад ролікам у тыктоку пакінулі каля 50 каментароў, з іх відаць, што гэта мясцовыя жыхары. І далёка не ўсе ўхвалілі выступленне старшыні Белаазёрскага гарвыканкама.

У Белаазёрску

Вось некаторыя з меркаванняў, што яшчэ ў горадзе не зрабілі ці зрабілі не так:

  • «Мне вельмі шкада плошчы. Мне так яна падабалася, а цяпер — верталётная пляцоўка!»
  • «На жаль, нас ніхто не пытаецца. Знішчылі такую прыгажосць».
  • «Ды не паспееце вы гэта ўсё даляпіць! Пасля зімы ўсё паабсыпаецца, якасць работ на нулі! Хацелася б, каб нехта з адказных асоб панёс за гэта пакаранне».
  • «На вуліцы Будаўнікоў, 23, 23а, 23б асфальт пакладзіце, калі вы заняліся ўпарадкаваннем».
  • «Ад плошчы ўздоўж газетнага кіёска, 16, 18 дамоў па Энергетыкаў на пешаходнай сцежцы можна ногі скруціць. Людзі звярнуліся, сказалі — няма грошай».
  • «Міру 12, з праспекта не відаць, нічога не робяць. Хочам упарадкаваць наш дом!»
  • «На Міру 10 у двары «мрак».
  • «Для дзяцей што-небудзь адкрыйце, дзяцей няма куды завесці пагуляць!»
  • «62/1 — у двары асфальт пакладзіце, ямы па калена. А то закаталі ўвесь горад у плітку, каб не касіць».
  • «Дарогі Міру 5А і 3 — гэта ж жах! І ніхто не збіраецца рабіць! Яма на яме!»
  • «Паглядзім, што будзе з рамонтам фасада дома 62/1 вышэй за 5 паверх. Некалькі гадоў таму затынкавалі чырвоную цэглу, так і пакінулі шэрыя плямы. Непрыгожа глядзіцца з боку вуліцы Леніна».
  • «Як паглядзіш на балконы шэра-чорныя, то… Няўжо нельга было прыгожыя колеры зрабіць?»
  • «Звярніце ўвагу на дом Энергетыкаў, 7. Адзін дом не зроблены з усіх астатніх, яго атачаюць. Шэры, убогі. А асфальт па абодва бакі дома — гэта проста без слоў. Пліткі хапіла толькі да ББ, далей да канца вуліцы пліткі няма».
  • «Міру 22-24, першыя дамы на ўездзе, першы двор. Нічога не робяць, а навошта — яго не відаць за дрэвамі! Ва ўсім горадзе пілавалі дрэвы, а ў нас не. Дарожкі перакапалі, іх і так там не было, а цяпер наогул не прайсці! Дарожка за каледжам у жахлівым стане і без асвятлення, горад энергетыкаў! А па ёй дзеці ў школу і сады ходзяць!»
Рамонтныя работы ў Белаазёрску

Абласныя «Дажынкі» ў Белаазёрску пройдуць 4 кастрычніка, расказаў прэсе першы намеснік старшыні аблвыканкама Дзмітрый Гарадзецкі. Раней паведамлялася, што абласное свята працаўнікоў вёскі пераносіцца з раней запланаванай даты 27 верасня. Дарэчы, абласныя «Дажынкі» ў Брэсцкай вобласці пераносяцца другі год запар.

Каментары3

  • даведка
    30.08.2025
    Больше всего пугает качество строительных работ за безумные деньги, которые пилят на тендерах всякого рода сомнительные фирмочки а-ля «Рога и копыта», без конца выигрывающие местные тендеры не в своих собственных районах. И которые, распилив стоимость квартиры в Минске, не могут даже ровно положить тротуарную дорожку в год благоустройства возле средних школ и детских садов.
  • Мх
    30.08.2025
    Цяпер гэтыя "рамонты" - нагода ўсё зрасейшчыць.
  • Барадзед
    31.08.2025
    Ремонт и благоустройство - постоянная, повсеместная работа, а не раз в год в одном городке, и то не везде. Во всех городах одновременно это делать нужно.

Цяпер чытаюць

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце31

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

Усе навіны →
Усе навіны

У Еўропе ў адзін дзень загарэліся два НПЗ, якія атрымліваюць расійскую нафту2

У Ляхавічах пахваліліся копіяй гістарычнага замка, якая мусіць прыцягнуць турыстаў — чатыры будкі больш нагадваюць прыбіральні12

«Скажы, што ты адмовілася ад мяне». Палітэмігранты расказалі, як іх сем'і жывуць у Беларусі пад ціскам сілавікоў3

У Смаргонскім раёне «Аўдзі» ўшчэнт разбурыла гістарычны помнік7

На фронце забілі сына аднаго з самых няўдалых камандзіраў расійскай арміі2

Саліста гурта «Без Білета» дадалі ва ўкраінскую базу «Міратворац»14

У Мінтрансе расказалі, калі на дарогах Беларусі перастануць рабіць ямачны рамонт3

Былы міністр сельскай гаспадаркі збіраецца вырошчваць пшаніцу ў Лівіі

Беларусы змогуць набываць кнігі ўсляпую — на іх нават будзе зніжка1

больш чытаных навін
больш лайканых навін

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце31

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

Галоўнае
Усе навіны →

Заўвага:

 

 

 

 

Закрыць Паведаміць