Лукашэнка аб палётах «Белавіі» ў Крым: Хіба мы не лётаем у Крым? Шчыра кажучы, я нават не ведаў…
«Белавія» будзе ажыццяўляць рэгулярныя рэйсы ў акупаваны Крым, калі гэта будзе неабходна. Пра гэта Лукашэнка заявіў у інтэрв'ю расійскаму прапагандысту Кісялёву.
Палітыку задалі пытанне, калі «Белавія» паляціць у Крым. «Хіба мы не лётаем у Крым? Шчыра кажучы, я нават не ведаў, што мы не лётаем у Крым», — адрэагаваў Лукашэнка.
«Калі не лётае… Калі нам трэба будзе перавезці нашых людзей (а ў нас там і санаторый свой), слухайце, у нас рукі развязаныя», — дадаў Аляксандр Лукашэнка.
Дзмітрый Кісялёў удакладніў, што ў сваім пытанні меў на ўвазе ажыццяўленне рэгулярных рэйсаў.
«Я пра гэта і кажу. Мы паляцім тады, калі нам трэба будзе. На жаль, не праз Украіну. У два разы або ў паўтара далей будзе», — сказаў палітык.
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы3
Каментары