У абноўленай версіі Тэлеграма з'явіліся дадатковыя функцыі
Абнаўленне для месенджара Telegram прапануе новыя магчымасці: рэакцыі, аўтаматычны пераклад паведамленняў, схаваны тэкст. Пра гэта паведамляе onliner.by са спасылкай на афіцыйны блог месенджара.
Цяпер на паведамленні ў чаце можна адрэагаваць не толькі фразай, але і анімаваным эмодзі. Адміністратары чатаў могуць выбраць, якія менавіта эмодзі будуць даступныя ў якасці рэакцый у агульным чаце. У асабістых чатах яны заўсёды будуць уключаныя.
Функцыя схаванага тэксту дазволіць хаваць у агульных чатах спойлеры, якія могуць сапсаваць іншым удзельнікам гутаркі уражанне, напрыклад, ад непрагледжаных пакуль яшчэ фільмаў ці серыялаў. Можна вылучыць частку набранага паведамлення і прымяніць да яе фарматаванне «Схаваны». Схаваны тэкст тады не паказваецца ні ў паведамленнях, ні ў спісе чатаў і абвестках. А каб праглядзець такі тэкст, дастаткова да яго дакрануцца.
Таксама проста ў месенджары з'явілася функцыя перакладу паведамленняў. Пры гэтым можна выбраць мовы, з якіх не патрабуецца перакладаць, для паведамленняў на гэтых мовах кнопка «перакласці» будзе схаваная.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну2
Каментары