Палітвязень Юрый Касцюк выйшаў на волю. Ён цалкам адбыў пакаранне
24-гадовага берасцейца асудзілі на 1 год «хіміі» за знявагу дзяржаўных сімвалаў. У лістападзе мінулага года пакаранне замянілі на больш строгае.
Па матэрыялах следства, 4 верасня 2020 года Юрый ішоў з сябрамі каля гасцініцы «Маладзёжная» ў Брэсце і падчас размовы тузануў дзяржаўны сцяг на будынку. Сцяг адразу зваліўся. Адміністрацыя гатэля высунула матэрыяльныя прэтэнзіі за зламанае дрэўка ў памеры 58 рублёў. 17 лістапада 2020 года Юрыю прысудзілі 1 год «хіміі».
23 лістапада 2021 года адбыўся суд па замене пакарання на больш строгае. У выніку Юрыю прысудзілі 1 месяц і 16 дзён калоніі агульнага рэжыму. З «хіміі» яго перавялі ў гродзенскую турму №1.
6 студзеня ў палітвязня скончыўся тэрмін пакарання і ён выйшаў на волю.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары