Калі вы яшчэ не абралі кіно, якое будзеце глядзець у нядзелю, — зазірніце ў падборку «Нашай Нівы». Мы сабралі для вас фільмы і серыялы розных жанраў, якія выйшлі на платформе «Netflix» на гэтым тыдні.
«Маці супраць андроідаў»
Жанр: навукова-фантастычны фільм.
У ролях: Хлоя Грэйс Морэц, Элджы Сміт, Рауль Кастыльё.
Рэжысёр — Матсан Томлін.
У постапакаліптычным свеце, узрушаным жорсткім паўстаннем андроідаў, маладая цяжарная жанчына і яе хлопец у роспачы шукаюць выратаванне.
Рэкамендавана для гледачоў старэйшых за 16 гадоў.
«Трывожныя людзі»
Жанр: містычны міні-серыял аб злачынствах.
У ролях: Дэн Экбарг, Альфрэд Свенсан, Марыка Лагеркранц і іншыя.
Рэжысёр— Хернрэн Фелікс.
Рабаўнік бярэ ў закладнікі людзей, якія прыйшлі на прагляд кватэры, і бясследна знікае. Збянтэжаныя паліцыянты разумеюць, што падазраваным можа аказацца хто заўгодна.
«Вячэра на чацвярых»
Жанр: рамантычныя камедыі.
У ролях: Ілені Пастарэлі, Мацільда Джолі, Джузэпэ Маджыа.
Рэжысёр — Алесіа Марыя Федэрычы.
У гэтым рамкаме, які ставіць пад сумнеў ідэю «другой паловы», чацвёра сяброў па-рознаму аб’ядноўваюцца ў пары ў чатырох паралельных сюжэтных лініях.
Рэкамендавана для гледачоў старэйшых за 16 гадоў.
«У сэрцы пусткі»
Жанр: жахі
У ролях: Інма Куэста, Ас’ер Флорэс, Раберта Алама.
Рэжысёр — Дэвід Касадэмунт
Сям’ю, якая жыве на адасобленай ферме, пераследуе невядомае зло, якое сілкуецца страхам. Ці зможа маленькі Дыега выратаваць сваю маці ад звера — і ад сябе?
Рэкамендавана для гледачоў старэйшых за 16 гадоў.
«Кіцбюэль»
Жанр: серыял, драма аб сацыяльных праблемах
У ролях: Сафі Айферцінгер, Блес Амада, Валеры Хубер.
Рэжысёр — Морыс Хюбнэ.
На курорце Кіцбюэль афіцыянтка пранікае ў кампанію багатых мюнхенскіх падлеткаў, каб адпомсціць дзяўчыне, якую вінаваціць у смерці брата.
Рэкамендавана для гледачоў старэйшых за 16 гадоў.
10 калядных фільмаў, якія варта паглядзець у святы
Начальнік міліцыі Брагіна страляў у сваю жонку. Яна цудам выжыла9
Каментары