Заходнія СМІ: ЗША і Еўропа не адключаць Расію ад SWIFT, нават калі яна нападзе на Украіну
ЗША і еўрапейскія краіны адмовіліся ад плана выключыць Расею з міжнароднай міжбанкаўскай сістэмы перадачы інфармацыі і здзяйснення плацяжоў SWIFT у выпадку яе агрэсіі супраць Украіны, паведаміла 17 студзеня нямецкая газета Handelsblatt са спасылкай на неназваныя ўрадавыя крыніцы.

Як сцвярджае выданне, на Захадзе палічылі, што адключэнне Расеі ад SWIFT пацягне за сабой занадта шмат праблем. Гэта прывяло б у найбліжэйшай перспектыве да дэстабілізацыі фінансавых рынкаў, а ў сярэднетэрміновай — да стварэння альтэрнатыўнай інфраструктуры плацяжоў, у якой Захад ужо не адыгрываў бы дамінантнай ролі.
Замест гэтага ў выпадку неабходнасці рыхтуюцца мэтанакіраваныя эканамічныя санкцыі супраць найбуйнейшых расійскіх банкаў. Пры гэтым Германія настойвае на выключэннях з мэтай забеспячэння далейшых плацяжоў за расійскія пастаўкі газу і нафты, паведамілі крыніцы Handelsblatt.
У той жа час агенцтва Reuters, спасылаючыся на крыніцы ва ўрадавых колах Германіі, абвергла паведамленне Handelsblatt аб адмове ад опцыі выключэння Расеі з SWIFT. Такое рашэнне пакуль не прынята, заявіў суразмоўца агенцтва.
Адключэнне Расіі ад сістэмы SWIFT традыцыйна называецца сярод магчымых маштабных заходніх санкцый, якія могуць прымяняцца ў выпадку новай агрэсіі Расіі супраць Украіны.
Чытайце таксама:
NYT: Калі Расія акупуе Украіну, ЗША падтрымаюць партызанскі рух у ёй
Сенат ЗША адкрыў, што збіраецца рабіць, калі Расія нападзе на Украіну
ЗША думаюць пра забарону паставак тэлефонаў у Расію ў выпадку ўварвання ва Украіну
Беларускія банкі падключыліся да расійскага аналага SWIFT. Цяпер ім ніякія санкцыі не страшныя?
-
У Амурскай вобласці Расіі дзяўчына выпадкова выкінула $75 тысяч. Увішныя суседзі знайшлі на сметніку: частку прапілі, на рэшту купілі дом
-
У ахоўніка Пуціна заўважылі ў руках невядомую прыладу. Эксперты вызначылі яго як дрон-перахопнік
-
Стральба ў хмарачосе на Манхэтане: забітыя чатыры чалавекі, стралок застрэліўся
Цяпер чытаюць
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс

Каментары