ЗША працягвае перадаваць Украіне зброю і рыштунак, Канада збіраецца далучыцца
ЗША ўжо перадала Украіне шматфункцыянальныя гранатамёты SMAW, а Канада збіраецца даслаць стралковую зброю і бронекамізэлькі, піша Радыё Свабода.
Пра чарговы пастаўкі зброі з Амерыкі паведамляе ўкраінскі вайсковы сайт «Мілітарний».
Інфармацыйны партал DVIDS Міністэрства абароны ЗША апублікаваў здымкі працэсу падрыхтоўкі да адпраўкі ва Украіну чарговай партыі зброі і боепрыпасаў, якія прыбылі ў ноч на 22 студзеня. Сярод партый у тубах ёсць і такія, якія раней ва Украіну не пастаўляліся. Гаворка пра гранатамёты M141 Bunker Defeat Munition (BDM), або SMAW-D («аднаразовыя»).
SMAW-D — ручная аднаразовая рэактыўная граната, прызначаная для разбурэння палявых умацаванняў, пракладкі праходаў у агароджах, сценах будынкаў. Граната мае 83-мм аскепкава-фугасную баявую частку HEDP (High Explosive Dual Purpose), якая змяшчае 1,1 кг выбухоўкі, з двухрэжымным дэтанатарам.
Нягледзячы на тое, што BDM аптымізаваны для выкарыстання супраць умацаванняў, ён таксама здольны знішчаць небраняваную і лёгкабраняваную тэхніку.
Партыя, якая ў ноч на 22 студзеня прыбыла ў аэрапорт Кіева, — першая з некалькіх партый новага пакета дапамогі ў сферы бяспекі Узброеным сілам Украіны на суму 200 мільёнаў даляраў.
Тым часам Канада збіраецца даслаць Украіне стралковую зброю для атрадаў тэрытарыяльнай абароны. Пра гэта паведаміў тэлеканал CBC.
Таксама ў планах — дастаўка ва Украіну бронекамізэлек і абарончых акуляраў. Пакуль, аднак, застаецца незразумелым, ці дашле Канада ва Украіну сваіх інструктараў для навучання войскаў тэрытарыяльнай абароны.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары