Старшыня Мінгарвыканкама Уладзімір Кухараў заявіў сёння, што канструкцыі новага моста цераз Нямігу ўжо сабраныя і праводзяцца толькі работы па аздабленні.
Будаўніцтва ў працэсе.
Кухараў спадзяецца, што здача адбудзецца ў раней вызначаныя сціслыя тэрміны. Запуск руху на новым мосце плануюць на 10 лютага. Каб паспець, работы вядуць кругласутачна і без выходных.
Пешаходная частка моста на Нямізе абрынулася ў ноч з 7 на 8 студзеня 2022-га, здарэнне трапіла на відэа. Прычынай здарэння называюць «стомленасць» пабудаванай у 1962 годзе канструкцыі, уплыў на яе вібрацыі ад працы метро, а таксама частыя перапады тэмпературы паветра.
Аварыйны мост цалкам разабралі за некалькі дзён, адразу ж пачаліся работы па ўзвядзенні новага.
Каментары