Здароўе

«Медыкі таксама хварэюць». Міністэрства аховы здароўя расказала, як вырашаюць пытанне з недахопам дактароў

Сёння на гарачай лініі Міністэрства аховы здароўя чытачцы «Нашай Нівы» расказалі, што цяпер масава хварэюць дактары і паліклінікі не спраўляюцца. Пра тое, што не хапае дактароў, пісалі і нашы чытачы. Што на гэта адказала Міністэрства аховы здароўя?

«Медыцынскія работнікі таксама хварэюць на каранавірусную інфекцыю. Сярод іх сёння склаўся адзін з самых высокіх узроўняў вакцынацыі. Адпаведна, гэта ўсё адбіваецца і на цячэнні захворвання, — адзначыла падчас брыфінгу па эпідэміялагічнай сітуацыі першы намеснік міністра аховы здароўя Алена Караткова. — Прытым, і рызыка захварэць на каранавірусную інфекцыю, нягледзячы на дастатковую колькасць абароны, больш высокая, таму што кантакты ў іх больш высокія (…).

Калі гаварыць непасрэдна пра горад Мінск, дзе рост захворвальнасці найбольш высокі, тут ужо на мінулым тыдні былі прыцягнутыя да працы інтэрны. З сённяшняга дня, з улікам таго, што студэнты яшчэ знаходзяцца на канікулах, у якасці валанцёраў пачынаюць працу больш за 700 студэнтаў.

З панядзелка, з моманту выхаду, будзе прыцягнута студэнтаў старэйшых курсаў столькі, колькі неабходна для амбулаторнай службы, для працы ў кол-цэнтрах, для выканання нейкіх іншых тэхнічных заданняў і для дапамогі медыцынскім работнікам.

Акрамя таго, прыпыненае навучанне, курсы павышэння кваліфікацыі. Усе дактары, пачынаючы ад урачоў агульнай практыкі і заканчваючы вузкімі спецыялістамі, вяртаюцца на свае працоўныя месцы, і ў выпадку неабходнасці для працы ў кантактных групах, для абслугоўвання выклікаў дома, для арганізацыі работы ў паліклініках таксама будуць прыцягвацца розныя спецыялісты, вузкія спецыялісты.

Высокі ўзровень вакцынацыі, паўтаруся, сведчыць аб тым, што, меркавана, формы захворвання сярод медыцынскіх работнікаў дастаткова лёгкія, што дае магчымасць у самыя кароткія тэрміны, у бліжэйшыя пяць дзён, вярнуцца ў строй. Таму ніякай панікі сярод насельніцтва быць не павінна.

Дапамога аказваецца. Прычым аказваецца не толькі пацыенту з каранавіруснай інфекцыяй, але і па іншых напрамках. Магчыма, планавая дапамога больш будзе сканцэнтраваная з упорам аказання дома.

Гэта зроблена для таго, каб не павышаць рызыку магчымага заражэння пры наведванні паліклінік. Калі няма тэрміновасці ў аказанні дапамогі, калі чалавек адчувае сябе здавальняюча, вядома ж, такое пажаданне, каб спланаваць свой паход у паліклініку не ў самы разгар.

І яшчэ просьба да насельніцтва. Вось цяпер чэргаў няма, трэба неяк размяркоўваць час і не імкнуцца патрапіць у паліклініку да адкрыцця. Таму што ўмовы надвор'я, на жаль, не самы лепшы фактар. Ён непажаданы для таго, каб чакаць ва ўмовах вуліцы».

Катастрофа ў паліклініках. Гіганцкія чэргі на чатыры-шэсць гадзін, сотні людзей у калідорах

Каментары

Цяпер чытаюць

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная6

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

Дырэктарка дзіцячага цэнтра, дзе размаўляюць выключна на рускай, абвінавачвае чыноўнікаў і дзяржаўных журналістаў у хлусні27

Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода1

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная6

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць